Lirik Lagu Black Scorpio (Bangka) - Gara-Gara Dak Begawe

Satu lagi nih lagu Bangka yang lucu liriknya (bagi yang tau artinya). Simak aja langsung liriknya dibawah ini. Jika ingin men-download lagu ini silahkan buka halaman download dan cari lagu Black Scorpio - Gara-Gara Dak Begawe.

Cemane lah kepale dak pening
mikir utang mecem bulu kucing
nek ngerukok ge ku sampai ngelinting
tapi biarlah daripada ku maling

kini badan ku la kurus kering
makan sehari ge dakde sepiring
kate urang betis ku la mcem suling
tapi sukur bai badan ku dak mcem kek kiping

gara-gara lah lame dakde begawe
duit di dompet ku agik selawe
di putus tunangku kawan ketabe
kini tunangku kawen kek urang jawe

di dalem ati ku sampai beniat
ape ku pakai bai minyat kemat
biar miak miak pada tepikat
nyingok muke ku teberacaik mecem keno geranat

tapi kate nek ku dakde jadi
pake minyak kemat dak de percaya diri
along dak laku laku jadi urang laki
daripada mati dak di terima bumi

malem minggu kemaren ku ngipek agik
kenal kek amoy dari lubuk kelik
tapi die e nyingok ku ge gelik
kate e kumis ku mcem kek ikan kelik

cemane lah ati ku dak manas
ku kate agik die jadi ganas
ku di jambak e sampai babak bingkas
mese badan amoy e lah mecem kek kulkas

nek ngelawan tapi badan ku macem cacing
tepakse ku lari sampai mengkicing
ku tepelanting numbur batang jering
amoy e ketabe sampai teguling-guling

nek ngebesak badan ku dakde biaya
tapi macem mane ge ku nek usaha
biar badanku melar macem raksasa
ape ku rendem bai kek minyak tanah

ku cube agik ngipek ke kampong cit
kenal cewek cakep tapi tulalit
tapi kate die ningok ku gerigit
kate e idung ku macem kek jambu selit

cemane lah ati ku dak merudok
ku kate agik die jadi ngamok
di jagor e mate ku besak macem belok
mese besak badan cewek e lah macem gerubok

emang naseb ku kini sial bener
asak ngipek badan ku seketo memer
tapi men dak betunang ku dak de seger
akhir e ku ngipek sambil kaki ku mengkejer

ku cube ngipek ke kampong baru
dapet cewek kate e die nek kek ku
tapi ngape nek ku cium die malu
sekali ku tingok gigi e macem garpu

akhir nek nyium e ku urung bai
dari pada bibir ku macem gergaji
agik bagus men bibir ku macem gergaji
yang ku takut kelak bibir ku jadi lemet ubi

kini nyarik cewek ku lah dak kawa
along ku begawe jadi tukang rumah
tapi yang punye rumah e marah-marah
mese rumah die yang ku bikin jadi e gua

ku di berenti begawe sambil di keruce
kate rumah e macem kek punggung kure-kure
ku pulang kerumah dak de dapet ape-ape
urang dapet duit ku hanye dapet leteh

kini tunang ku kawen kek urang jawe
tekeria bai ku dak de jadi urang gile
urang dapet duit ku hanye dapet leteh
cemane lah muke ku dak keliat tue
cuma beda e ku dak de makan sireh